Ací que repòse Nevares
e d'autes narracions mexicanes
Disponibilitat: En existència
14,00 €
Arreviradi a lengües com er anglés, er italian, eth francés o er espanhòu, es racondes d'Ací que repòse Nevares... vos permeteràn entrar en univèrs caldersia mès particular: eth dera realitat qu'er escrivan catalan viuec en sòn exilh mexican. Son condes escrits a partir de hèts reaus, mescla d'autenticitat e d'absurditat, que mòstren eth mon violent, primari, irracionau e chocant dera vida vidanta der indian mexican.
Pere Calders (Barcelona, 1912-1994), ei un des escrivans mès liejuts dera literatura catalana. Ath long dera sua vida cultivèc eth periodisme e era narrativa. Es sòns prumèrs libres que sigueren: El primer arlequí e La glòria del doctor Larén. En Mexic, a on s'exilh'ec dempús dera guèrra, escriuec es qu'era critica a considerat es sòns tèxtes mès boni, es recuelhs de condes Cròniques de la veritat oculta e Gent de l'alta vall e eth roman Ronda naval sota la boira. Era sua òbra a estat reconeishuda damb nombroses distincions: eth prèmi Sant Jordi, eth Premi d'Honor de les Lletres Catalanes o eth Nacionau de Periodisme, entre d'auti.
